Իրանի նախագահ Հասան Ռուհանին հրամայել է դադարեցնել իրանական բոլոր 140 ինքնաթիռների թռիչքները՝ Թեհրանի օդանավակայանի մերձակայքում ինքնաթիռի կործանումից հետո։
Ռուհանին ցավակցություն է հայտնել ավիավթարից (նախնական տվյալներով, զոհվել է ավելի քան 40 մարդ) զոհվածների ընտանիքներին և նշել է, որ թռիչքների արգելումը ուժի մեջ կլինի, քանի դեռ հայտնի չի դառնա, թե ինչն է եղել կործանման պատճառը։
Վերջին տվյալներով, ինքնաթիռն ընկել է օդանավակայանից ոչ հեռու գտնվող բնակելի շրջանում։
Taban Airlines ավիաընկերության Iran-141 ինքնաթիռը Թեհրանից ուղղություն էր վերցրել դեպի իրանական Թաբաս քաղաքը։ Իրանական IRNA գործակալության տվյալներով, ինքնաթիռը վթարի է ենթարկվել կիրակի ՝ տեղական ժամանակով 9։18-ին, Թեհրանից դեպի հյուսիս-արևմուտք։
