«Եղեք կամքով արի, ամենաթեժ մարտական գործողություն կատարելիս մտնեք կրակի մեջ, դուրս գաք՝ հաղթանակով»,- «Առաջին լրատվական»-ի հետ զրույցում, դիմելով սահմանը պահող զինվորներին, ասաց «Կոռնիձոր» ջոկատի հրամանատար Արա Խուդավերդյանը՝ հավելելով, որ հակառակորդը այսպիսի դիվերսիոն գործողություններով փորձելու է հանգեցնել պատերազմի:
«Ունենք չավարտված պատերազմ, կապիտուլյացիայի չենթարկված Ադրբեջան, բնական է, որ այս կամ այն գերտերության կողմից պետք է դրդվի»,- ասաց նա:
Ազատամարտիկի խոսքով՝ առաջին գիծ պիտի գնան օլիգարխները. «Պիտի գնան պատկան քերթիչները՝ կառավարությունից, Ազգային ժողովից ու նախագահականից, պիտի չալաղաջ սիրող օլիգարխները գնան, նրանցից հետո նոր՝ ժողովուրդը»:
Հրամանատարը հույսեր չի կապում Սոչիում կայանալիք Ադրբեջանի, Հայաստանի և ՌԴ նախագահների հնարավոր հանդիպման հետ. «Վլադիմիր Պուտինը կասի՝ ինչ անեն, բայց հաղթանակախաբ չլինելու համար հույսներս դնենք մեզ վրա»,- ասաց նա՝ հավելելով, որ ՌԴ-ն գործում է իր շահերի համար:
Ըստ նրա՝ մտահոգիչ է նաև այն, որ ԱՄՆ-ը, Ֆրանսիան, եվրոպական կազմակերպությունները, որոնք հրադադարի շահագրգիռ կողմ էին, չեն մասնակցելու հանդիպմանը:
Առավել մանրամասն՝ տեսանյութում: