1901թ. օգոստոսի 4-ին ԱՄՆ Լուիզիանա նահանգի Նոր Օռլեան քաղաքում լույս աշխարհ է եկել Լուի Արմսթրոնգը: Նա չի իմացել իր ծննդյան ստույգ ամսաթիվը (դա հաստատվել է ավելի ուշ) և իր ծննդյան օրը նշել է ԱՄՆ Անկախության օրը՝ հուլիսի 4-ին:
Արմսթրոնգը դաստիարակվել է աղքատ ընտանիքում: Դեռ վաղ տարիքից նա ստիպված է եղել աշխատել՝ վաճառել է թերթեր: 1913-ին Լուին հայտնվում է ուղղիչ տանը, որտեղ երաժշտություն է սովորում և ելույթ ունենում փողային նվագախմբի ու խորի կազմում:
Ազատվելուց հետո նա վաստակում է՝ տարբեր սիրողական խմբերի հետ նվագելով բարերում: Աստիճանաբար նա սկսում է նվագել պրոֆեսիոնալ նվագախմբերում: 1922-ին երաժիշտը տեղափոխվում է Չիկագո, որտեղ ելույթ է ունենում Քրեոլի ջազային նավագախմբում: 2 տարի անց նա տեղափոխվում է Նյու Յորք և Ֆլեթչեր Հենդերսոնի նվագախմբում աշխատում որպես շեփորահար և երգիչ: Այդ ընթացքում նա շատ սկավառակներ է ձայնագրել:
Նշենք, որ Արմսթրոնգը հսկայական ազդեցություն է թողել 20-րդ դարի երաժշտության վրա: Նա նկարահանվել է ավելի քան 50 երաժշտական ֆիլմերում:
Ջազի հանրահայտ վարպետը մահացել է 1971-ի հուլիսի 6-ին՝ Նյու Յորքում, սրտի նոպայից:
