Փարիզը լցված է առնետներով՝ գրում է Le Figaro-ն: Դրանց կարելի է տեսնել ոչ միայն քաղաքի ծայրամասերում, այլև Լուվրից ոչ հեռու գտնվող Տյուիլրիի այգում: Այգու աշխատակիցներից մեկի խոստովանությամբ՝ առնետներն այստեղ ապրում են ամբողջ տարի, սակայն առավել ակտիվ են դառնում գարնանը և ամռանը:
Փարիզում գոյություն ունեն հասարակական շենքերի, փողոցների և այգիների համար պատասխանատու ծառայություններ, և մշտապես քաղաքը մաքրվում է կրծողներից: Այս տարի այդ օպերացիան անցկացվել է ապրիլի 14-ից մինչև հունիսի 13-ը և, ըստ ամենայնի, չի օգնել:
«Այնպիսի քաղաքի, ինչպիսին Փարիզն է, խնդիրն է այն է, որ մենք չենք կարող վերահսկել ամեն ինչ: Առավել ևս, որ փարիզցիները քանակով զիջում են առնետներին՝ դրանք երկու անգամ ավելի են»,- ասել է Փարիզում վնասատուների դեմ պայքարող ընկերության մենեջեր Սեսիլ Աորուզը:
