Մեծ Բրիտանիայի թագուհի Եղիսաբեթ II-ին սպառնում է 140 000 դոլար՝ որպես Էսթիմեյթ ձիարշավի ձիու տիրոջ: Ձիու օրգանիզմում արգելված դեղամիջոց է հայտնաբերվել՝ մորֆի թմրանյութ, հայտնում է ITAR-TASS-ը:
4 տարեկան Էսթիմեյթն արքայական ընտանիքի ախոռների «աստղն է»: 2013 թ. նա Եղիսաբեթ II-ին բերել է Ասկոտայի Թագավորական մրցավազքերի գլխավոր մրցանակը: Այս տարի նա երկրորդն է հատել վերջնագիծը:
Հիմա թագուհու սիրելի ձիու օրգանիզմում արգելված թմրանյութ է հայտնաբերվել: «Ամեն ինչ խոսում է այն մասին, որ թագուհին կտուգանվի,- ITAR-TASS-ի հետ զրույցում ասել է Բրիտանական մրցավազքերի վարչությանը կից մասնագետ Ջոնաթան Սամերսը:- Սակայն ձին չի որակազրկվի: Էսթիմեյթը կմասնակցի եկող շաբաթվա մրցավազքին»:
Այսչափ մեղմ որոշումը կապված է նրա հետ, որ Բրիտանական մրցավազքերի վարչության ղեկավարությունը Բուքինգհեմյան պալատից հատուկ հավաստիացում է ստացել, որ մորֆին կարող էր ձիու օրգանիզմում «պատահմամբ» հայտնվել՝ «վարակված կերի» միջոցով:
«Մորֆին, երևում է, ձիու օրգանիզմում է հայտնվել կերի հետ,- նշել է թագավորական ձիապան Ջոն Ուորենը:- Հիմա մենք կապվում ենք մատակարար ընկերության հետ՝ պարզելու, թե ինչպես կարող էր այդ մթերքը հայտնվել կերի մեջ:
Բուքինգհեմյան պալատը նաև հայտնել է, որ «թագուհին տեղեկացված է տեղի ունեցածի մասին»:
