Մալաթիա-Սեբաստիա վարչական շրջանում այսօր կատարած շրջայցի ժամանակ քաղաքապետ Տարոն Մարգարյանին ուղեկցում էր Սամվել Ալեքսանյանի եղբոր որդին՝ Մալաթիա-Սեբաստիա վարչական շրջանի ղեկավար Արտակ Ալեքսանյանը:
Վերջինս ի պատասխան լրագրողների հարցադրման, թե իր պաշտոնավարման ժամանակահատվածում ինչ կարևոր, շոշափելի խնդիրներ է կարողացել լուծել՝ նշեց, որ վարչական շրջանում կուտակված շատ խնդիրներ կան՝ 30-40 տարվա: «Կամաց-կամաց աշխատանքները կատարում ենք, 7 հատ բակ ենք վերանորոգում, որ տեղում չի եղել բակ, եղել են բախչաներ, բնակչությանը խնդրել ենք, հորդորել ենք վերանորգում ենք»,- ասաց Արտակ Ալեքսանյանը:
Ալեքսանյանը չպատասխանեց վարչական շրջանում գտնվող Մոնթե Մելքոնյանի անվան դպրոցում Սամվել Ալեքսանյանի անվան դասարան բացելուն առնչվող հարցին:
Առավել մանրամասն՝ տեսանյութում:
