ՄԱԿ-ը կանխատեսում է, որ 2013 թ. սկզբին սիրիացի փախստականների թիվը կհասնի 700 հազարի: Այս մասին այսօր տեղեկացրել է ՄԱԿ-ի գլխավոր քարտուղար Պան Գի Մունը՝ նշելով, որ փախստականների անդադար հոսքը կարող է սպառնալ տարածաշրջանային անվտանգությանը:
«Սիրիական գրանցված փախստականների թիվն անցնում է 460 հազարից»,- ասել է Պան Գի Մունը:
ՄԱԿ-ի գլխավոր քարտուղարը պետություններին պատմել է Սիրիայի կառավարության և ընդդիմության միջև շարունակվող հակամարտությունից տուժած սիրիացիներին օգնություն ցուցաբերելու նրանց պարտավորությունների մասին: Պան Գի Մունի խոսքերով՝ հումանիտար օգնության ֆոնդը կիսով չափ է ֆինանսավորված այն դեպքում, երբ ձմռան գալու հետ Սիրիայի 4 միլիոն բնակիչներ տաք հագուստի և առաջին անհրաժեշտության այլ ապրանքների կարիք են զգալու: Նա տեղեկացրել է, որ պատրաստվում է շուտով այցելել Հորդանանում և Թուրքիայում գտնվող փախստականների ճամբարները, որպեսզի «տեղում գնահատի իրադրությունը»:
Պան Գի Մունը կրկին հակամարտող կողմերին կոչ է արել դադարեցնել բռնությունները: Նա հայտարարել է, որ ՄԱԿ-ը միշտ պատրաստ է աջակցել սիրիական կառավարության և ընդդիմության միջև երկխոսությանը:
