Սերբիայի կառավարությունը «Հարավային հոսքի» շինարարությունը դադարեցնելու որոշում չի ընդունել: Այս մասին հայտնում է INTERFAX-ը՝ հղում անելով Սերբիայի վարչապետ Ալեքսանդր Վուչիչին:
«Այդպիսի որոշումներն ընդունում է կառավարությունը, իսկ կառավարության նիստ չի եղել: Մեզ մոտ ամեն բան ընթանում է ըստ ծրագրվածի: Եթե որևէ փոփոխություն լինի, կառավարությունը որոշում կընդունի, և դուք կտեղեկացվեք այդ մասին»,- լրագրողներին ասել է Վուչիչը:
Նա չի ճշգրտել՝ ինչ փոփոխություններ կարող են լինել գազատարի շինարարության մեջ:
Այսօր ավելի վաղ Սերբիայի փոխվարչապետ Զորանա Միխայլովիչը հայտարարել էր, որ Սերբիան ստիպված կլինի դադարեցնել «Հարավային հոսքի» շինարարությունը Բուլղարիայում նախագծի սառեցման պատճառով: Միխայլովիչը Բուլղարիան անվանել է նախագծի «հանգուցային երկիր»:
RBC-ին «Գազպրոմում» հայտնել են, որ Բուլղարիայում և Սերբիայում «Հարավային հոսքի» ապագայի վերաբերյալ մեկնաբանություններ կլինեն ավելի ուշ:
Ավելի վաղ Բրյուսելը դադարեցրել էր Բուլղարիայում գազատարի շինարարությունը, քանի որ նրան կասկածել է «Երրորդ էներգանախագծի» խախտման, նաև Բուլղարիայում թենդերի ոչ ճիշտ անցկացման մեջ:
«Հարավային հոսքով» առաջին փոխադրումները նախատեսվում են 2015 թվականին:
