Պանդայի Բաո Բաո անունով ձագը՝ Վաշինգտոնի կենդանաբանական այգուց չի գնացել մերիլենդցի զույգի պսակադրությանը: Զույգը նախօրոք կենդանուն հրավեր է ուղարկել՝ խոստանալով բամբուկի համեղ հյուրասիրություն և խնդրելով հաստատել ներկայությունը, բայց բացասական պատասխան է ստացել՝ հայտնում է UPI-ը:
Սառա Գլիկմանը և Բեն Շլեզինգերը որոշել են իրենց հարսանիքին հրավիրել պանդային, քանի որ ամբողջ միջոցառումը նվիրված է եղել այդ կաթնասուններին: Զույգն առանձնահատուկ կերպով սիրում է պանդաներին:
Ինչու են նրանք հրավիրել հատկապես Բաո Բաոյին՝ հայտնի չէ: Բենը հայտնել է, որ պանդան «շնորհակալություն է հայտնել հրավերի համար, բայց հրաժարվել է գալ հարսանիքին»:
Հրավերին, իհարկե, պատասխանել են գազանանոցի աշխատակիցները:
