Էստոնիայի կառավարությունը հինգշաբթի հանձնարարել է պաշտպանության նախարարության ղեկավար Սվեն Միքսերին բանակցություններ սկսել ԱՄՆ-ի հետ հակատանկային հրթիռային Javelin Block երրորդ սերնդի համալիրների գնման շուրջ, հայտնել է նախարարների կաբինետի մամլո ծառայությունը, հաղորդում է RIA Novosti-ն։
Միքսերի խոսքերով՝ «կապված միջազգային անվտանգության ոլորտում իրավիճակի վատացման հետ», պաշտպանության նախարարությունը որոշում է կայացրել ձեռք բերել Javelin Block փոքր-ինչ ավելի մեծ ծավալով և ավելի արագ տեմպերով, քան նախատեսվում էր նախկինում։
«ԱՄՆ-ի առաջարկը համապատասխանում է ինչպես ռազմական պահանջներին, այնպես էլ ձեռնտու է գնի տեսանկյունից, ուստի կառավարությունը որոշել է այդ թեմայով բանակցություններ սկսել ԱՄՆ-ի հետ»,- ասել է Միքսերը։
