Լոնդոնում հրդեհ է բռնկվել Եվրամիության ամենաբարձր՝ Shard երկնաքերի վրա, հրդեհի օջախը գտնվում է 306-հարկանի շենքի ստորին հարկերում:
Ինչպես հաղորդում է Sky News հեռուստաալիքը, դեպքի վայր է ժամանել 7 հրշեջ մեքենա: Հրշեջների ընդհանուր թիվը հասնում է 55-ի:
Շենքում իրականացվում է բնակիչների տարհանում: Դեպքի վայր են ժամանել նաև «շտապ օգնության» մեքենաներ:
«Մենք պնդեցինք, որպեսզի բոլորը, ովքեր գտնվում են շենքում, տարհանվեն: Ընդհանուր առմամբ այնտեղից դուրս է եկել շուրջ 900 մարդ: Տարհանումը կրում է նախազգուշական բնույթ»,- ասել է Լոնդոնի հրշեջ ծառայության ներկայացուցիչը:
Թեմզայի հարավային ափին, որտեղ գտնվում է երկնաքերը, փողոցները և մետրոյի կայարանը փակ են:
Shard երկնաքերի շինարարությունն ավարտվել է 2012թ. հուլիսի 5-ին, բարձրությունը 309.6 մետր է: Երկնաքերում տեղակայված են առևտրի կենտրոն, գրասենյակային հաստատությունները, ռեստորաններ, Shangri La հյուրանոցը, մասնավոր բնակարաններ և այլն:
