Վրաստանի նախկին նախագահ Միխեիլ Սաակաշվիլիին առաջարկել են աշխատել Գուրիայի (տարածաշրջան երկրի արևմուտքում) պլանտացիաներում: Նման առաջարկ է արել երկրի վարչապետ Իրակլի Ղարիբաշվիլին այդ տարածաշրջանի բնակչության հետ հանդիպման ժամանակ: Այս մասին հայտնում է Novosti Gruziya-ն:
Հանդիպման ժամանակ Ղարիբաշվիլին հայտարարել է, որ իշխող «Վրացական երազանք» կոալիցիան «վտարել է այդ հիմար մարդուն երկրից, ով բոլորին խաբել է»: Վարչապետն, այնուհանդերձ, նշել է, որ լավ կլինի՝ Սաակաշվիլին աշխատի տեղի պլանտացիաներում:
Վարչապետի խոսքով՝ այդ առաջարկը դուր է եկել բնակիչներին: Նա որևէ վատ բան չի տեսնում առաջարկում. «Ամո՞թ է աշխատել պլանտացիաներում… Մենք սկսում ենք արտադրություն, և յուրաքանչյուր շրջանում կբացվի ձեռնարկություն, որը վերջին շրջանում ոչնչացրել է Սաակաշվիլին»:
Հիշեցնենք, որ Սաակաշվիլին լքել է Վրաստանը 2013-ի նոյեմբերին՝ նոր նախագահի երդմնակալությունից անմիջապես հետո:
