Այսօր՝ ժամը 22.00-ին դիտեք «Առաջին լրատվական»-ի Realpolitik հաղորդաշարի բացառիկ հարցազրույցը Հայաստանում Ուկրաինայի դեսպան Իվան Կուխտայի հետ:
Նշենք, որ դեսպանը Հայաստան է վերադարձել այս կիրակի:
Հիշեցնենք, որ Հայաստանում Ուկրաինայի դեսպան Իվան Կուխտան խորհրդակցությունների նպատակով մեկնել էր Կիև Պուտին-Սարգսյան հեռախոսազրույցից անմիջապես հետո, որի ընթացքում նախագահները խոսել էին Ղրիմում կայացած հանրաքվեի մասին: Դեսպանը մինչ այդ հանդիպել էր նույնիսկ ՀՀ ԱԳ փոխնախարար Շավարշ Քոչարյանի հետ՝ ճշտելու հայաստանյան դիրքորոշումը Ղրիմում կայացած հանրաքվեի հարցում:
Ի դեպ, հետկանչը նախորդել էր մարտի 27-ին Ուկրաինայի տարածքային ամբողջականությանն աջակցելու հարցով ՄԱԿ-ի Գլխավոր ասամբլեայի քվեարկությանը, որը Ղրիմում տեղի ունեցած հանրաքվեն ճանաչել է անօրինական և անվավեր:
Ըստ շրջանառության մեջ դրված խոսակցությունների՝ ուկրաինական կողմը Հայաստանից սպասում էր որևէ ընդառաջ քայլ՝ դիվանագիտական հարաբերությունները բնականոն փուլ մտցնելու համար:
