«Հովիկս շատ չարաճճի երեխա էր, որ երեխա տեսներ, պիտի խեղդեր: Շատ չարաճճի ու սովորող երեխա էր»,- «Առաջին լրատվական»-ի հետ զրույցում պատմեց Մխչյանցի Զալոն՝ Լալա տատին, ով ներկայացավ որպես Հովիկ Աբրահամյանի մայր՝ տիկին Լալա: «Նա բացարձակ գերազանցիկ էր դպրոցում, շատ ընդունակ երեխա էր: Գրողներից, պատմաբաններից, գիտնականներից, որից էլ հարցնես ծննդյան թիվը, իրա մահացած ժամանակը, անցած բոլոր բաները գիտեր Հովիկս»:
Տիկին Լալավ հաստատեց, որ Հովիկ Աբրահամյանը իսկապես իր հարստությանը հասել է հողագործությամբ: «Ծաղիկ տնկելուց, վարունգ մշակելուց բացի, ոչ մի բան չի արել: Էնքան հողի հետ սեր ուներ: Ինքը բիզնես չունի, ոչ մի տեղ ոչ մի բան չունի: Ոչ էլ մեջք ունի. ոչ քեռի ունի, ոչ մի բան: Նա ամեն ինչի հասել ա իրա խելքով, իրա ջանասիրական աշխատանքով»,- ասաց մեր զրուցակիցը: Իսկ երբ մենք թվարկեցինք Հովիկ Աբրահամյանի բիզնեսները, Երևանում ԱԺ-ի տեսքով կառուցված առանձնատունը, տիկին Լալան արձագանքեց. «Հիմա ով չունի նման տուն: Եթե չունենա, կասեն բերան չունի, աչք չունի, խելք չունի: Էդ կա ու կա: Իսկ շատերը էդ ամեն ինչի մասին խոսում են, իրանցը բերում են Հովիկինիս հետ հավասարեցնում են, որ իրանց ճանապարհը մաքրեն: Յանի բոլորն էլ էդ կարգի են»:
Տիկնոջ խոսքով Հովիկ Աբրահամյանը հաջողության կհասնի, եթե նրա ոտի տակը չքանդեն: «Եթե իր ոտի տակը չքանդեն, իրա դավաճանները չլինեն, ամեն ինչ կհաջողի»:
Մանրամասները՝ տեսանյութում:
