Նախօրեին արևմտյան լրատվամիջոցներով լուրեր էին պտտվում, թե Ջենիֆեր Լոպեսն ու Կասպեր Սմարթը բաժանվում են՝ գրում է.spletnik.ru-ն:
Եթե հավատանք այդ լուրերին, ապա 44-ամյա աստղը մոտ ապագայում պատրաստվում է լքել իր 27-ամյա սիրեցյալին:
Շշուկների համաձայն՝ սկանդալի պատճառը պարողի տարվածությունն է տրանսեքսուալ մոդելով:
Հիշեցնենք, որ անցած շաբաթ հայտնվեց տեղեկություն այն մասին, որ Ջենիֆերի թիկունքում Կասպերը նամակագրական կապ է հաստատել Սոֆի Վիսայի հետ: Նշվում է, որ Սմարթն ու Սոֆին փոխանակել էին բաց լուսանկարներ: Շփման ընթացքում պարզվել է, որ Վիսան տրանսեքսուալ է:
TheDirty.com պորտալի հաղորդմամբ՝ Կասպերը հանդիպել է նաև մեկ այլ մոդելի՝ տրանսեքսուալ Քրիստինա Մարիի հետ:
Երբ կատարվածը դարձավ հանրության սեփականությունը, Սմարթի ու Լոպեսի հարաբերությունները վատացան, և լավատեղյակ աղբյուրի հաղորդմամբ՝ նրանց բաժանումն իրեն երկար սպասեցնել չի տա:
Աստղի պաշտոնական ներկայացուցիչները, ինչպես նախկինում, հրաժարվում են մեկնաբանություններից:
