«Ֆուկուսիմա-1» ատոմակայանի աշխատակիցները սկսել են վթարային 4 էներգաբլոկների շուրջը ստորգետնյա հավեժ սառած արհեստական պատի կառուցումը, որի նպատակը Խաղաղ օվկիանոս ռադիոակտիվ ջրի արտահոսքի կանխումն է: Այդ նպատակով սկսվել են առաջին հանքահորի փորման աշխատանքները, որտեղ տեղադրվելու է համապատասխան սարքավորումը:
Պլանավորվում է փորել նմանատիպ մոտ 30 փոս: Դրանցում սառեցնող նյութ է լցվելու, որը հողում արհեստական սառածության վիճակ է ստեղծելու: Աշխատանքները պլանավորվում է ավարտել եկող տարվա մարտի վերջին: Հավերժ սառած պատը պետք է դրանից մի քանի ամիս անց առաջանա: Պետական բյուջեից այդ ծրագրին տրամադրվելու է 320 մլն դոլար:
Այդ պլանը որոշ մասնագետների շրջանում վատատեսական կարծիքներ է առաջացրել: Սակայն, ի վերջո, այն հաստատվել է պետական կառույցների կողմից: Այդ նպատակով մարտին փորձեր են անցկացվել, որոնք ցույց են տվել առաջարկված տեխնոլոգիաների արդյունավետութունը:
