Այսօր մի խումբ ազատամարտիկներ՝ «Անկախության բանակ», «Արծիվ 19», Դաշնակցության բանակ, ջոկատներից այցելեցին Սարդարապատ հուշահամալիր: Տոնից զատ, նրանց մտահոգությունները շատ էին:
Ազատամարտիկ Գևորգ Սարգսյանը (Ջոնը) «Առաջին լրատվական»-ի հետ զրույցում նշեց. «Մեր անկախությունը ինչ-որ մի տեղ կարծես իր իմաստը կորցրած լինի, քանի որ այսօր ամեն ինչ վաճառում են, եթե թողնենք, անկախությունն էլ կվաճառեն»,- ասաց նա:
Ազատամարտիկներից մեկն էլ հավելեց, որ հերոսի կոչում են շնորհում այն մարդկանց, ովքեր պատերազմի ժամանակ Թուրքիայում առևտուր էին անում, օլիգարխներով մեդալներ են իրար մեջ ծախում-առնում:
Ազատամարտիկներից մեկն էլ նշեց, որ բանակում քանակը չէ կարևոր, այլ որակը, պետք է որակ և նվիրվածություն: Ազատամարտիկները մտահոգված են արտագաղթով, քանի որ մենք ապագայի զինվորներ ենք կորցնում և արտագաղթի կանխման դեմ պայքար պետք է լինի։
Ստեփան Ստեփանյանը (Ռեմբո) նշեց, որ ութ տղայի պապիկ է, երրորդ կարգի հաշմանդամ է, ստանում է 46.000 դրամ թոշակ, ինչը անգամ ծխախոտի չի բավականացնում: «Իսկ վերխուշկեքը նստել են և ինչ ցույց են տալիս, իրենք են այդ պատերազմը հաղթել, մենք չկանք, մենք կամավոր գնացինք, բաժանում են դեպուտատներին մեդալներ»,- ասաց նա:
Նրանք նշեցին, որ չեն արտագաղթելու, այլ մնալու են և պայքարելու են մինչև վերջ:Անկախությունը, ըստ նրանց, կորցրել է իր համը, հոտը, իմաստը:
Ազատամարտիկ Արթուր Եղիշյանն էլ նշեց, որ անկախությունը ոչ մեկինը չէ, մեր ժողովրդինն է: «Անկախությունը կա և պետք է լինի, և քանի մենք կանք, մնալու է այդ անկախությունը»,- ասաց նա՝ հավելելով, որ ժամանակն է պետական մտածելակերպ ունենալ, և քանի դեռ դա չկա, չենք կարող լիարժեք գնահատել:
