Ուոլ-Սթրիթի ճնշող մեծամասնությունը կարծում է, որ ԱՄՆ նախագահի պաշտոնում հանրապետական թեկնածու Միթ Ռոմնիի հաղթանակն առավել բարենպաստ կերպով կազդեր ֆինանսական և ֆոնդային շուկաների վիճակի վրա: Այս մասին հայտնում է CNNMoney-ն:
Ներդրումային ոլորտի վերլուծաբանների և ֆինանսական մենեջերների շրջանում հարցված 18 մարդկանից 12-ը հայտարարել են, որ ֆոնդային շուկան վեր կբարձանար, եթե Սպիտակ տան ղեկավար դառնար Միթ Ռոմնին:
Պարբերականը հիշեցնում է, որ ԱՄՆ պարտքը հասել է աննախադեպ՝ 16 տրիլիոն դոլարի, իսկ գործազրկության մակարդակը գերազանցում է 8 տոկոսը: Ռոմնին քաջածանոթ է Ուոլ-Սթրիթի աշխատանքին, քանի որ մի քանի տարի ղեկավարել է ներդրումային ընկերությունների Bain խումբը:
Նշենք, որ ԱՄՆ 57-րդ ընտրություններում ոչ պաշտոնական տեղեկություններով հաղթել է գործող նախագահ Բարաք Օբաման: Նա հավաքել է ընտրական կոլեգիայի անդամների՝ անհրաժեշտ 270 ձայնի փոխարեն 303-ը:
