Հայտնի թուրք լրագրող ու հրատարակիչ Օսման Քյոքերը հրատարակել է «Անթաքիա, Իսքենդերուն, Մուսա-Դաղ» գիրքը նոր խմբագրությամբ: Այն պատմում է լեռան հերոսական պաշտպանության մասին։ Ներկայացված են մինչև 1915 Օսմանեան կայսրությունում ապրող հայերի կյանքին վերաբերող լուսանկարներ, բացիկներ և փաստաթղթեր Օռլանդո Գառլո Գալումենոյի հավաքածուից: Գրքում ներկայացված են եզակի լուսանկարներ Ալեքսանդրեթի, Անտիոքի և Մուսա լեռան ստորոտի գյուղերի հայերի կյանքի մասին:
Օսման Քյոքեր բերում է Ցեղասպանության ականատեսների վկայություններ, մասնաւորապէս Մարաշի բողոքական եկեղեցու հովիվ Տիգրան Անդրեասյանի վկայությունը, որը մանրամասն նկարագրում է լեռան պաշտպանությունը:
Մուսա լեռան պաշտպանության 44 օրերից հետո ողջ են մնացել 427 մանուկ, 628 պատանի և 508 պարմանուհի: Նրանք բոլորն էլ բարեհաջող կերպով դուրս բերվեցին ֆրանսիական «Ժաննա դ՚Արկ» ռազմանավով և այլ նավերով և տեղափոխվեցին Եգիպտոս: 1921-ին ոմանք վերադարձան Ալեքսանդրեթ, սակայն ֆրանսացիների հետ նրանց մեծամասնությունը նույնպես հեռացավ: 1939-ից ի վեր մնացողները ապրում են Թուրքիայի միակ հայկական գյումղում՝ Հաթայ գավառի Վագըֆում:
Քյոքերի անունը առաջին անգամ հայ հանրությանը հայտնի դարձավ Ստամբուլում նրա կազմակերպած «Սիրելի եղբայրս» լուսանկարների աննախադեպ ցուցահանդեսով:
