Համաշխարհային զբոսաշրջության շուկայի ծավալը, 2011-ի նույն շրջանի համեմատ, այս տարվա հունվար-օգոստոս ամիսներին մեծացել է միջինը 4%-ով, հայտնում է Ռուսաստանի զբոսաշրջային արդյունաբերության միությունը (ՌԶԱՄ)` հղում անելով Համաշխարhային զբոսաշրջային կազմակերպության (UNWTO) տվյալներին, հայտնում է interfax.ru-ն:
UNWTO-ի վերլուծական հաշվետվությունում 2012-ի օգոստոսին արձանագրվել է զբոսաշրջիկների 705 մլն միջազգային զբոսաշրջային այցելություն: Այն հաստատում է UNWTO-ի ավելի վաղ ներկայացրած ամբողջ տարում 1 մլրդ այցի կանխատեսումը: Հիշեցնենք, որ 2011-ի արդյունքներով` աշխարհում միջազգային զբոսաշրջային այցելությունների թիվը 990 մլն է եղել:
Հաշվետվության համաձայն` զարգացող տնտեսություն ունեցող երկրներն ավելի ակտիվ աճ են գրանցել (+5%), քան զարգացածները: Այս միտումն առավել ուժեղ է Ասիա-Խաղաղօվկիանոսյան տարածաշրջանում, Աֆրիկայում, Ամերիկայում և Եվրոպայում:
Եվրոպան (+3%) ամրապնդել է 2011-ին գրանցած աճը հիմնականում Կենտրոնական և Արևելյան Եվրոպայի հաշվին (+9%): Մերձավոր Արևելքը, հատկապես` Թունիսն ու Եգիպտոսը, խոստումնալից արդյունքներ են գրանցել:
2012-ի անցած 8 ամիսներին զբոսաշրջությունից ստացված եկամուտը նշանակալիորեն աճել է Հոնկոնգում (Չինաստան) (+17%), ԱՄՆ-ում (+8%), Գերմանիայում (+7%), Ֆրանսիայում (+5%), Մեծ Բրիտանիայում (+4%), Ճապոնիայում (+48%), Շվեդիայում (+26%), Հարավային Աֆրիկայում (+26%), Կորեայի Հանրապետությունում (+26%), Հնդկաստանում (+ 23%), Լեհաստանում (+19%), Թաիլանդում (+17%), Ռուսաստանում (+16%), Եգիպտոսում (+13%), Չեխիայում (+13%):
Այս շրջանում աճել է նաև զբոսաշրջիկների ծախսերը հատկապես Չինաստանում (+30%), Ռուսաստանում (+15%), ԱՄՆ-ում (+9%), Ճապոնիայում (+7%), Կանադայում (+6%), Գերմանիայում (+5%), Ավստրալիայում (4%), Լեհաստանում (+22%), Մալայզիայում (+18%), Արգենտինայում (+16%), Ֆիլիպիններում (+14%), Հնդկաստանում (+11%) և Ինդոնեզիայում (+10%):
2012-ին մեծացել են նաև Ավստրիայի (+16%), Բելգիայի (+13%), Շվեյցարիայի (+11%), Նորվեգիայի (+11%), Բրիտանիայի (2%) քաղաքացի զբոսաշրջիկների ծախսերը: Իտալացի և ֆրանսիացի զբոսաշրջիկների ծախսերը, ընդհակառակը, կրճատվել են:
