Գերմանիան չի աջակցում Հունաստանի պարտքը հերթական անգամ չեղյալ հայտարարելու գաղափարը: Նման կարծիք է հայտնել Գերմանիայի տնտեսության նախարար Ֆիլիպ Ռյոսլերը:
Նրա կարծիքով՝ Հունաստանի պարտքերի հետագա կասեցումը կարող է զգալիորեն վնասել Գերմանիայի տնտեսությունը՝ սպառնալիքի տակ դնելով բյուջետային ծրագրերի իրականացումը, և որպես հետևանք՝ Եվրոպայի խոշորագույն տնտեսության վարկային վարկանիշը, որը ներկայում գտնվում է ամենաբարձր մակարդակի վրա: Այս մասին հայտնում է Vesti-ն:
Նա ընդգծել է, որ Գերմանիան որպես տնտեսական առաջնորդ չպետք է խախտի բյուջեի պլանային ցուցանիշները և մնա եվրոգոտում որպես կայունության կողմնորոշիչ:
Հունաստանի պարտքերի ներման երկրորդ ռաունդի գաղափարը խստորեն քննադատել են նաև Գերմանիայի ֆինանսների նախարար Վոլֆգանգ Շոյբլեն, ինչպես նաև մի շարք քաղաքական գործիչներ:
