Գերմանացի քաղաքագետ Անդրեաս Ումլանդը կարծում է, որ Ուկրաինային անհրաժեշտ է հրաժարվել մայիսի 25-ին նշանակված նախագահական ընտրություններից: Այդ մասին հոդվածը տպագրվել է Die Zeit թերթում:
«Ամեն նոր օր ցույց է տալիս, որ դրանց անցկացումը, իսկ հատկապես երկրորդ փուլի կազմակերպումը, շատ դժվար առաջադրանք կլինի,- ասվում է փորձագետի մեկնաբանության մեջ:- Լիովին հնարավոր է, որ ընտրությունները քաղաքական աղետով վերջանան»:
Քանի դեռ Ռուսաստանը շարունակում է Ուկրաինայի արևելքում գաղտնի միջամտությունը, ոչ մի ազնիվ նախընտրական պայքարի և երկու փուլերի անցկացման մասին խոսք անգամ լինել չի կարող, համոզված է Ումլանդը. «Այդ հնարավորությունն օերցօր նվազում է»:
Ըստ քաղաքագետի՝ «տապալումն ընտրություններում Մոսկվային հնարավորություն կտա մի քանի տարի կասկածի տակ դնել Ուկրաինայի նոր պետական իշխանության լեգիտիմությունը, իսկ Ուկրաինայի արևելյան մասում ընտրողների քիչ մասնակցությունն առիթ կլինի պուտինյան պրոպագանդայի մեքենայի համար՝ Ուկրաինայի մասնատման պրոպագանդիստական արշավ սանձազերծելու»: Բացի դրանից՝ Ռուսաստանը լիովին կարող է օգտվել Ուկրաիանայում նախագահական ընտրությունների տապալումից, որպեսզի Ղրիմի օրինակով իրեն բռնակցի Ուկրաինայի մի շարք արևելյան շրջաններ, ասվում է հոդվածում:
