ԱՄՆ-ի նախագահի թեկնածու Միթ Ռոմնին Արտակարգ իրավիճակների գործակալության ղեկավարության հետ քննարկել է «Սենդի» փոթորկի հետևանքների վերացման ուղիները:
«Նա տեղեկություններ է ստանում փոթորկի մոտեցման, ինչպես նաև դրա հետևանքների հաղթահարման միջոցների մասին»,-լրագրողներին հաղորդել է նրա շտաբի ներկայացուցիչ Քեյվին Մեդենը:
Ռոմնին իր վրա հավելյալ, ավելի ճիշտ՝ նախագահական գործառույթներ է վերցնում: Ռոմնին, ինչպես Օբաման, ամեն օր բանակցություններ է վարում նահանգապետների հետ: Օբաման մեկնում է Նյու Ջերսի, որպեսզի համոզվի, որ փոթորկի հետևանքների հաղթահարման գործընթացը ամբողջական թափով ընթանում է, իսկ Ռոմնին նմանատիպ այց մտադիր է իրականացնել շաբաթվա վերջին:
Փոթորիկը ստիպել է Օբամային հրաժարվել նախընտրական քարոզարշավից 3 օրով, իսկ Ռոմնիին` 2: