Ուկրաինան պետք է դառնա չեզոք պետություն, այնպիսին, ինչպիսին, օրինակ, Ավստրիան է: Նման հայտարարությամբ է հանդես եկել Ավստրիայի նախագահ Հայնց Ֆիշերը՝ փոխանցում է «Ռոսիա 24»-ը:
Քաղաքական գործիչը դատապարտել է արմատական ուկրաինական ազգայնականությունն ու հայտարարել, որ Կիևը չի կարող ընտրություն կատարել արևմտյան մոդելի կամ ռուսականի միջև՝ դա հակասում է ուկրաինական պետության պատմական բնույթին: Հայնց Ֆիշերը հիշեցրել է նաև ՆԱՏՕ-ի չիրագործված խոստումների մասին, մասնավորապես այն մասին, որ Գերմանիայի միանալու մասին բանակցությունների ընթացքում դաշինքի ներկայացուցիչները խոստացել էին, որ ՆԱՏՕ-ն դեպի արևելք չի ընդլայնվի:
«Ուկրաինան դարավոր կապեր ունի Ռուսաստանի հետ, որոնք հատկապես վառ են արտահայտված երկրի արևելքում, մինչդեռ արևմտյան մասն ավելի շատ ձգտում է ԵՄ-ի հետ տնտեսական մերձեցման և եվրոպական հասարակական մոդելի կառուցման: Ուկրաինական հասարակությունում բացառապես մեկ ուղու պարտադրումը հազիվ թե հնարավոր լինի»,- հայտարարել է Ավստրիայի նախագահը:
