Մայիսի 1-ին Երևանի կենդանաբանական այգում ազդարարվեց տարեշրջանի պաշտոնական բացումը: Այգին իր հյուրերին ընդունեց նորացված, բարեկարգված տեսքով՝ համալրված նոր կենդանատեսակներով:
Բացման առաջին օրն այգին աշխատում է արտակարգ ռեժիմով` առավոտյան ժամը 09:30-ից մինչև 22:30-ը: Փոքրիկներին այստեղ դիմավորում են հեքիաթների հայտնի հերոսները, ծաղրածուներն ու դիմանկարիչները, իսկ երաժշտական ու թատերական միջոցառումները կշարունակվեն մինչև երեկո, իրականացվում են կենդանիների ցուցադրական կերակրումներ:
Կենդանաբանական այգու տնօրեն Ռուբեն Խաչատրյանի խոսքով` նոր տարեշրջանում այցելուներին սպասվում են բազմաթիվ անակնկալներ, երեխաների համար, ԶՈՒ մանկական ամսագրից բացի, նախատեսվում է հատուկ հաղորդաշար տեղական առաջատար հեռուստաալիքներով:
Մանրամասները՝ տեսանյութում: