Սաուդյան Արաբիայի թագավորի որդին 13 միլիոն դոլարով առանձնատուն է ձեռք բերել Բահամանյան կղզիների Baha Mar առողջարանային համալիրում՝ միաժամանակ ստորագրելով այն վարձակալությամբ հանձնելու պայմանագիր: Այս մասին լրագրողներին հայտնել է համալիրի շինարարությամբ զբաղվող Baha Mar Resorts Ltd ընկերության ավագ փոխնախագահ Ռիչարդ Ինգլիշը:
Նրա խոսքերով՝ նախագծի շրջանակում ներդրողների և քաղաքամերձ տների գնորդների համար նախատեսված է 307 մասնավոր առանձնատուն, որից 54-ն արդեն վաճառվել է: Դրանցից ամենաթանկը եղել է սաուդյան թագավորի որդու ձեռք բերածը:Նա նշել է, որ թագավորի որդին այն ձեռք է բերել 25 տոկոս զեղչով:
Ապագա ներդրողներին առաջարկվում է ձեռք բերված անշարժ գույքը վարձակալության հանձնել ղեկավարող ընկերությանը, ինչը թույլ կտա սեփականատիրոջը ստանալ 25 տոկոսի զեղչ, մյուս կողմից՝ վարձակալությունից դրամական հոսքի հնարավորություն կտա:
Համալիրի շինարարությունը կավարտվի 2014 թվականին: Նշենք, որ սաուդյան թագավոր Աբդուլլահն աշխահի ամենահարուստ մարդկանցից է: Forbes-ը նրա կարողությունը գնահատում է 21 միլիարդ դոլար:
