Վրաստանի նախագահ Միխեիլ Սաակաշվիլին նոր գումարման խորհրդարանի առաջին նիստում ունեցած ելույթից հետո երկրի բնակչությանը խոստացել է հետագայում «շատ հրաշքներ» իրագործել:
Վրաստանի նոր խորհրդարանի առաջին նիստը տեղի է ունեցել այսօր, Արևմտյան Վրաստանում՝ երկրի խորհրդարանական մայրաքաղաք Քութայիսիում: Խորհրդարանը պետք է Թբիլիսիից այնտեղ տեղափոխվի՝ համապատասխան իշխանության մարմինների ապակենտրոնացման նախագահական ծրագրի: Նոր իշխանությունները Քութայիսիում հանդիպելու վերաբերյալ չկամություն են արտահայտել, քանի որ հաղթող կոալիցիայի ներկայացուցիչների խոսքով՝ խորհրդանի համար կառուցված ապակեպատ շենքում դեռևս շինաշխատանքներ են իրականացվում, բացի այդ, պատգամավորների ժամանակավոր բնակության համար պայմաններ չկան:
«Մեկ շաբաթ առաջ ասում էին, որ խորհրդարանի շենքը լիովին պատրաստ չէ, ինչ-որ բաներ դեռևս պակաս են: Այդ ժամանակ բանվորները պատասխանել են, որ մեկ շաբաթից ամեն ինչ պատրաստ կլինի, ինչին նրանց զարմանքով հարցրել են՝ դուք ի՞նչ է, հրաշագործնե՞ր եք: Հիշե´ք բոլորդ, մենք հրաշագործներ ենք, և դեռ շատ հրաշքներ են տեղի ունենալու»,-լրագրողներին ասել է Սաակաշվիլին:
Իր առաջին նիստի ընթացքում վրացական նոր խորհրդարանը պետք է խոսնակ, փոխխոսնակ և խորհրդարանական հանձնաժողովների ղեկավարներ ընտրի:
