Արագ ուրբանիզացիան լրջորեն կանդրադառնա հասարակական առողջության վրա, եթե քաղաքների նախագծման և կառուցման ընթացքում հաշվի չառնվեն օդի աղտոտվածության հետ կապված միջոցառումները, ասված է անցյալ շաբաթ Պեկինում IGAC կոնֆերանսի շրջանակներում ներկայացված հաշվետվությունում:
Հոդվածում նշված է, որ ներկայումս աշխարհում 23 մեգաքաղաք կա այն դեպքում, երբ 60 տարի առաջ դրանք ընդամենը 2-ն էին, փոխանցում է InoPressa-ն:
Ներկայումս բնակչության կեսից ավելին ապրում է քաղաքներում, և նրանց թիվն աճում է: Ընդ որում` այս ամբողջ աճը տեղի է ունենում զարգացող աշխարհում, նշում են հետազոտողները:
«Զարգացող երկրներում շատ քաղաքներ արագորեն ընդարձակվում են` աղտոտվածության դեմ պայքարի վատ ծրագրման և ոչ բավարար միջոցառումների պատճառով,- նշում է Պեկինի համալսարանի մթնոլորտի մասնագետ Չժու Թունը: Սա լուրջ հետևանքներ կունենա շրջակա միջավայրի ու հասարակական առողջության համար»:
