Apple ընկերությունը բողոքարկման հայց է ներկայացրել ընդդեմ ճապոնական դատարանի որոշման, որը ավելի վաղ հարավկորեական Samsung-ին անմեղ էր ճանաչել Apple-ի տեխնոլոգիաների, ինչպես ամերիկյան ընկերությունն էր պնդում` ապօրինի օգտագործման հարցում: Այս մասին հաղորդում է Bloomberg գործակալությունը:
Apple-ը Samsung-ի դեմ արտոնագրային հայցը Տոկիոյի դատարանում տանուլ էր տվել օգոստոսի վերջին: Բջջային շուկայի մրցակցի դեմ ընկերության հավակնությունները կապված էին երաժշտության և հեռավոր սերվերներում տեսանյութի համաժամանակեցման մեթոդին:
Դիզայնի և տեխնոլոգիաների ապօրինի պատճենի մեջ միմյանց մեղադրող Apple-ի և Samsung-ի գլոբալ արտոնագրային առճակատումը շարունակվում է 2011-ի գարնանից: Հակամարտության շրջանակում կողմերը միմյանց դեմ տարբեր երկրներում մի քանի տասնյակ հայցեր են ներկայացրել:
