Ինչպես ցույց է տվել վիճակագրությունը՝ Հյուսիսային Ամերիկայում տնային կենդանիների 62 տոկոսն ունի լուրջ խնդիրներ՝ կապված ավելորդ քաշի հետ: Այդ է պատճառը, որ Կամինսի անասնաբուժական դպրոցը Մասաչուսեթսում Տաֆսի համալսարանին կից բացել է կլինիկա՝ հատուկ գեր կենդանիների համար: Այս մասին հայտնում է Globalscience-ը:
Այդ կլինիկայում կաշխատեն փորձառու անասնաբույժներ, բժիշկ-դիետոլոգներ, որոնք կզբաղվեն կենդանիների ճարպակալման խնդրով: Նրանք կօգնեն մշակել դիետիկ սնման այնպիսի ռեժիմներ, որոնք թույլ կտան առանց հիվանդագին երևույթների նվազեցնել քաշը, նորմալացնել մկանային համակարգը և բարելավել օրգանիզմի ընդհանուր վիճակը:
Կլինիկայի ղեկավարը կլինի ճարպակալման խնդիրների ամերիկացի առաջատար հետազոտող Դեբորա Լինդերը:
