Ինչպես տեղեկացնում է РИА-Новости-ն, Թուրքիան և Ռուսաստանը համաձայնեցրել են Սամսուն-Ջեյհան նավթամուղի կառուցման տնտեսական մոդելը:
«Պատրաստվում ենք պայմանագիր ստորագրել հետագա գործունեության մասին, որը ներառում է տնտեսական մոդելի հստակեցում, իսկ երկրորդ փուլով գործընկերները խողովակաշարը լցնելու պարտավորություն են վերցնելու»,- ասել է Ռուսաստանի էներգետիկայի նախարար Սերգեյ Շմատկոն:
Նավթամուղի շուրջ քննարկումները տեղի են ունենալու ռուս-թուրքական առևտրա-տնտեսական հանձնաժողովի՝ վաղը կայանալիք նիստում:
Նախատեսվում է, որ Սամսուն-Ջեյհան նավթամուղով տարեկան մինչև 70 միլիոն տոննա նավթ հնարավոր կլինի առաքել միջերկրածովյան նավահանգիստ:
