Բիթլզ լեգենդար խմբի երկրպագուները հնարավորություն են ստացել կատարել բավական յուրօրինակ գնում՝ կապված Ջոն Լենոնի հետ, սակայն դա այն դեպքում, եթե պարտաստ են հրաժարվել 300 հազար եվրոյից:
Հենց այսքան գնով է աճուրդի հանվել ոչ մեծ անմարդաբնակ կղզի Իռլանդիայի արևմտյան ափերի մոտ, որը նախկին բիթլի համար որպես ապաստան էր ծառայում:
Դորինիշ կղզու մակերեսն ավելի քան 7,5 հա է, և ամենը, ինչով կարող է այն աչքի ընկնել, մի քաղցրահամ ջրհոր է ու հին տան ավերակներ:
Այդուհանդերձ, երկու կանաչ բլուրները, որոնց կարելի է ափից 15 րոպե թիավարելով հասնել, Լենոնին հանգստի համար իդեալական վայր էին թվացել:
Լենոն Կլյու ծոցում գտնվող հարյուրավոր կղզիներից մեկը գնել է 1967թ. ընդամենը 17,3 հազար ֆունտ սթեռլինգով (կամ 21.6 հազար եվրոյով): Նա ծրագրում էր տուն կառուցել, անգամ ստացել էր շինարարություն սկսելու թույլտվություն:
Նրա մահից հետո կինը՝ Յոկո Օնոն կղզին տրամադրել էր երկու ֆերմերների, իսկ հիմա նա որոշել է վաճառել այն՝ դրա դիմաց ցանկանալով ստանալ կլորիկ գումար:
