Հայաստանի Հանրապետության 5 մարզերում` Արագածոտնի, Գեղարքունիքի, Կոտայքի, Վայոց ձորի, Տավուշի մարզերում համայնքի ղեկավարի և ավագանու անդամի ընտրություններն ավարտված են: Ընտրությունների քվեարկության մասնակիցների թիվը ժամը 20.00-ի դրությամբ 342 138 կամ 53.31 % Է: Ընտրությունների վերջնական արդյունքները կամփոփվեն սեպտեմբերի 28-ին:
Քաղաքային 16 և գյուղական 246 համայնքներում ղեկավարի պաշտոնի համար առաջադրվել է 699 թեկնածու, որոնցից ինքնաբացարկ է հայտնել 177-ը: Ավագանու պաշտոնի համար 281 համայնքներում 2730 թեկնածու է առաջադրվել:
Այս ընտրություններում ևս Հայաստանի հանրապետական կուսակցությունը գրեթե բոլոր համայնքներում առաջադրել էր թեկնածուներ: ՀՀԿ-ն թեկնածուներ ուներ 282 համայնքներում, ԲՀԿ թեկնածուները 88-են, ՀՅԴ-ինը` 26, ՕԵԿ-ինը` 8, ԺԱԿ-ինը` 2: Մեկական թեկնածու ունեն «Ժառանգություն» կուսակցությունը, ՀԺԿ, ՀՀՇ, ԱԻ, ԱԺՄ կուսակցությունները: Թեկնածուներից 285-ն անկուսակցական են:
Դիտորդական առաքելություն են իրականացրել Եվրոպայի տեղական և տարածքային իշխանությունների կոնգրեսը և տեղական հասարակական 15 կազմակերպություն:
ՏԻՄ ընտրություններ կլինեն նաև սեպտեմբերի 30-ին:
