Այսօր ՏԻՄ ընտրություններ են Արագածոտնի, Գեղարքունիքի, Կոտայքի, Վայոց Ձորի, Տավուշի մարզերի 379 համայնքներից 318-ում: Այսօր Վայոց Ձորի Վայք քաղաքում քաղաքապետի ընտրություններ են: Այստեղ իրենց թեկնածությունն են առաջադրել գործող ՀՀԿ-ական պատգամավոր Հարություն Սարգսյանը, ԲՀԿ-ական Բաբա Բաբայանը և անկուսակցական Թարո Ավետյանը:
«Առաջին լրատվական»-ի հետ զրույցում Վայքի գործող քաղաքապետ, քաղաքապետի թեկնածու Հարություն Սարգսյանը տեղեկացրեց, որ ընտրությունների մեկնարկը հանգիստ է, նորմալ ընտրություններ են, խնդիրներ դեռևս չեն առաջացել, որևիցե տեղամասից ահազանգեր չենք ստացել ընտրախախտումների մասին: Նա կարևորեց այն, որ հանգիստ, խաղաղ ընտրությունները շարունակվեն մինչև ընտրությունների ավարտը:
«Որպես համայնքի ղեկավար, մեծ կարևորություն եմ տալիս ընտրությունների ընթացքին: Իսկ արդյունքների մասին ոչինչ այս պահին չեմ կարող ասել, կամփոփենք, կտեսնենք»,- ասաց Հարություն Սարգսյանը: Անդրադառնալով իր նախընտրական քարոզչությանը՝ ասաց, որ իր քարոզչության ժամանակ որևէ այլ թեկնածուի հասցեին ավելորդ բառ չի արտահայտել, բոլորին հաջողություն է ցանկացել:
