Բրիտանացի հայտնի եգիչ Ռոբբի Ուիլյամսը ցուցադրել է իր նորածին առաջնեկի լուսանկարները: Նրա դստերը անվանակոչել են Թեոդորա Ռոուս, երգիչը հայտարարել է, որ արդեն մի քանի անգամ փոխել է նրա տակդիրները:
Պաշտոնական կայքում երջանիկ հայրը տեղադրել է իր և դստեր լուսանկարը հետևյալ մակագրությամբ` «Հայրիկը երկրորդ տակդիրն է փոխել: Թեդդի երկրորդ օրն այս մոլորակի վրա»:
Նրա դուստրը լույս աշխարհ է եկել սեպտեմբերի 18-ին, 3,25 կգ քաշով, և Ռոբբին նրան անվանակոչել է բրիտանացիների համար շատ սովորական անունով, այլ ոչ թե բազմաթիվ այլ հայտնի մարդկանց նման առանձնահատուկ անունով:
Ներկայումս բրիտանացի երգիչը և նրա կինը բնակվում են Լոս Անջելեսում: Սակայն Ուիլյամսը ցանկանում է, որ իր դուստրը մեծանա իր հայրենիքում՝ անգլիական ոգով: Նրան դուր չի գալիս նաև ամերիկյան դպրոցների ուսման որակը:
