The New York Post-ի տեղեկատվության համաձայն` Մոնիկա Լևինսկին հրատարակիչներին վաճառում է «հույժ գաղտնի» գիրք:
Հրատարակիչները պետք է ստորագրեն չհրապարակման մասին համաձայնագիր նախքան Լևինսկու հետ հանդիպումը, գրում է Էնի Գրոերը The Washington Post-ի բլոգում:
Բիլ Քլինթոնի հետ սիրային հարաբերությունների շնորհիվ 14 տարի առաջ Մոնիկա Լևինսկին գտնվում էր համաշխարհային ուշադրության կենտրոնում, սակայն նրա անունը շարունակում է հայտնի լինել նաև այժմ: Մոնիկայի համար կարևոր է պաշտպանել իր պատմությունը` անկախ նրանից, թե ինչպիսին է այն եղել: Բայց այս դեպքում մտացածինը կարող է ճշմարտությունից ուժեղ գտնվել:
Հարկ է նշել, որ սկանդալին հաջորդած տարիները Մոնիկա Լևինսկին չի անցկացրել մութ սենյակում ընկճախտի մեջ, չնայած նա ստիպված է եղել հասարակությանը պատմել Քլինթոնի հետ ունեցած հարաբերությունների ամենաինտիմ մանրամասները:
Լևինսկին փորձել է իր ուժերը հեռուստատեսությունում և, անկախ ամեն ինչից, հաղթահարել է բոլոր դժվարությունները և ստացել է սոցիալական հոգեբանության մագիստրոսի կոչում Լոնդոնի էկոնոմիկայի դպրոցում:
Էնի Գրոերը հույս ունի, որ Մոնիկա Լևինսկին կտա ազնիվ պատասխան, թե ինչպես է նրան հաջողվել հաղթահարել այս ամենը:
