Երեկ` սեպտեմբերի 17-ին, արտակարգ դեպք է տեղի ունեցել Երևանում: Ոստիկանության Շենգավիթի բաժին ահազանգ է ստացվել, որ Նորագավիթի դաշտում մարդ կա կախված: Նշված վայր մեկնած Շենգավիթի բաժնի օպերատիվ խումբը պարզել է, որ կախվելու միջոցով ինքնասպան է եղել Նորագավիթի բնակիչ 45-ամյա Վ. Քալաշյանը:
Ֆոտալրագրող Գագիկ Շամշյանը shamshyan.com-ին, Նորագավիթում իրեն պատմել են, որ նույն օրը նրան 14-ամյա հաշմանդամ աղջկան բռնաբարելու կասկածանքով տարել էին Ոստիկանության Մասիսի բաժին և որոշ ժամանակ անց նա ստորագրությամբ ազատ էր արձակվել:
Վերջինս կասկածվում էր Արարատի մարզի Մարմարաշեն գյուղի տներից մեկում հաշմանդամ աղջկան բռնաբարելու մեջ: Կատարվածի մասին ոստիկաններին հայտնել է աղջկա մայրը` Մ. Բաբայանը: Վերջինս Shamshyan.com-ին հայտնել է, որ նախկին ամուսին` Վ. Քալաշյանը, օգտվելով իր բացակայությունից եկել է Մարմարաշենի իրենց տուն, որտեղ իրենք ապրում են վարձով, և բռնաբարել երեխային: Ըստ Մ. Բաբայանի անչափահաս որդին պատուհանից տեսել է այդ ամենը և զանգահարել իրեն: Կատարվածի մասին մայրը տեղեկացրել է Ոստիկանության Շենգավիթի բաժին:
Գ. Շամշյանը հայտնել է, որ Շենգավիթի ոստիկաննները հայտնաբերում են Վ. Քալաշյանին: Քանի որ հանցագործության վայրը Արարատի մարզի Մասիսի տարածաշրջանում է եղել, նրան տեղափոխում են Ոստիկանության Մասիսի բաժին, որտեղ մի քանի ժամ մնալուց հետո, ըստ գործող օրենքի ոստիկանները նրան ստորագրությամբ ազատ են թողնում:
Այսօր երեխան պետք է ենթարկվի բժշկական փորձաքննության` պարզելու համար իրակնությանը համապատասխանում է կատարվածը, թե` ոչ: Փորձաքննության եզրակացությունը ստանալուց հետո հերքվելու կամ հաստատվելու է տեղի ունեցածը:
Մայրը Shamshyan.com-ի հետ զրույցում հայտնել է, որ նախկինում էլ է նման դեպք տեղի ունեցել, սակայն աղջիկը վախեցել է այդ մասին հայտնել:
