Թուրքական The Lira կայքն անդրադարձել է սեպտեմբերի 9-ին Վանա լճի Աղթամար կղզում գտնվող Սուրբ Խաչ եկեղեցում կատարված երրորդ պատարագին: Վերջին 3 տարիներին այդ պատարագը թվով երրորդն էր Աղթամարում:
Հայ վարպետների օգնությամբ վերանորոգված այդ եկեղեցում առաջին պատարագն անցկացվեց 2010 թվականին, սակայն այն ժամանակ եկեղեցու գմբեթին չէր կանգնեցվել խաչը, ինչը դժգոհության ալիք էր բարձրացրել հայերի շրջանում: Դրանից հետո եկեղեցու խաչը պատրաստվեց Հայաստանում, ապա բեռնատարով բերվեց Ստամբուլ, որտեղից էլ՝ Վան:
Թուրքական լրատվամիջոցի պնդմամբ՝ Հայաստանում համապատասխան նյութի բացակայության պատճառով խաչի պատրաստման համար օգտագործել են պահեստում գտնվող Լենինի բրոնզաձույլ արձանը՝ հալեցնելով այն:
