Բուքինհեմյան պալատը հաստատել է արքայազն Ուիլյամի կնոջ լուսանկարների իսկությունը, որոնցում Քեմբրիջի դքսուհին առանց լողազգեստի վերին հատվածի է: Այս մասին հայտնում է RIA Novosti-ն՝ հղում անելով բրիտանացի միապետների նստավայրի աղբյուրին:
Քիչ առաջ հայտնի դարձավ, որ ֆրանսիական Closer փայլերես ամսագիրը հրապարակել է Քեմբրիջի դքսուհու մերկ լուսանկարները՝ շապիկին «համաշխարհային էքսքլյուզիվ» գրությամբ: Այս մասին հաղորդում է ITAR-TASS-ը:
Ամսագրի 5 էջերում զետեղված են 12 լուսանկարներ, որոնք կատարվել են Ֆրանսիայի հարավարևելյան Լյուբերոն շրջանում` անցած շաբաթ: Մերկ Քեյթը գտնվում է տան լողավազանի մոտ: Լուսանկարները բարձր որակի չեն. ակնհայտ է, որ դրանք արվել են մեծ հեռավորությունից, այդ իսկ պատճառով մեծացվել են և արդյունքում՝ որակազրկվել:
Ամսագիրը տեղեկացնում է, որ երկրորդ մեղրամսի ժամանակ Քեյթն ու Ուիլյամն ընտրել էին Պրովանսը, լիարժեք հանգստացել՝ մոռանալով ամեն ինչի մասին, նույնիսկ՝ լողազգեստի:
Հիշեցնենք, որ անցած ամիս էլ սկանդալի կենտրոնում էր հայտնվել արքայազն Հարրին: Լոնդոնյան Sun-ը հրապարակել էր նրա մերկ լուսանկարները անծանոթուհու հետ՝ Լաս Վեգասի հյուրանոցներից մեկի սենյակում:
