Ադրբեջանական Trend լրատվականգործակալության փոխանցմամբ՝ Իրանի արտգործնախարար Ալի Աքբար Սալեհին Աստանայում մասնակցել է Ասիայում փոխգործակցության և վստահության միջոցների խորհրդաժողովի արտգործնախարարների խորհրդի նիստին:
Նիստի բացման ժամանակ Սալեհին հայտարարել է, որ Իրանը պատրաստ է Աֆղանստանից օտար զորքերի դուրս բերումից հետո օգնել այդ երկրի վերականգնման հարցում: Սալեհին հավելել է, որ Իրանը նաև պատրաստ է օգնել Աֆղանստանին ենթակառույցների նախագծերի կյանքի կոչման հարցում:
Սալեհին կարևորել է ասիական մայրցամաքում կայունության պահպանումն ու վստահության վերականգնումը. «Այսօր տարածաշրջանում առկա են ոչ քիչ սպառնալիքներ ու մարտահրավերներ, որոնք պահանջում են միասնական որոշումների ու միջոցների ընդունում:
Ինչ վերաբերում է Սիրիային, ապա այստեղ անհրաժեշտ է բանակցություններ անցկացնել երկրի կառավարության և ընդդիմության միջև՝ իրավիճակի խաղաղ կարգավորման համար:
Իրանի միջուկային ծրագրի հարցում էլ անհրաժեշտ է ընդունել ընդհանուր որոշում՝ ատոմային օբյեկտների ոնչացման անթույլատրելիության և խաղաղ ատոմից օգտվելու վերաբերյալ»:
