Երեկ` ժամը 14:00-ի սահմաններում, Գյումրիում կատարված դանակահարության արդյունքում տուժած Վարդան Ասատրյանին Գյումրիի Գյուլբենկյանի անվան վիրաբուժական հիվանդանոցում վիրահատելուց հետո այսօր տեղափոխել են Երևան։
Դանակահարվածներից մեկը՝ 1981թ. ծնված Արթուր Առաքելյանը հիվանդանոց էր բերվել արդեն մահացած վիճակում: Նրա մոտ հայտնաբերվել է առաջնային մակերեսի ծակված վերք, սրտի վնասվածքով: Իսկ Վարդան Ասատրյանին տեղափոխել են Երևան: Նրա մոտ հայտնաբերվել է առաջնային մակերեսի ծակված վերք՝ սրտի վնասվածքով:
Դեպքը տեղի է ունեցել Գյումրիի գարեջրի գործարանի տարածքում: Դեռեւս հայտնի չեն դեպքի հանգամանքներն ու պատճառները: Կատարվում է նախաքննություն։
Արդեն ոստիկանությունը ձերբակալել է մի կասկածյալի, ում անունը, սակայն, գաղտնի է պահվում:
Ի դեպ, նշենք, որ գործարանը պատկանում է ԱԺ պատգամավոր Սամվել Բալասանյանին։
