Queen խմբի վոկալիստ Ֆրեդի Մերկյուրին ծնվել է 1946 թվականի սեպտեմբերի 5-ին՝ Զանզիբար կղզում: Դպրոցական տարիքում տարվել է թենիսով: 1958 թվականին Ֆրեդին ձևավորել է The Hectics խումբը, որը ելույթներ է ունեցել դպրոցական երեկոների ընթացքում:
Ծնողների հետ Անգլիա տեղափոխվելուց հետո նա սովորել է պոլիտեխնիկական դպրոցում, զբաղվել գեղանկարչությամբ: Ազատ ժամանակ բեռնակրություն է կատարել, քանի որ ընտանիքը ծանր ժամանակներ էր ապրում: Դպրոցն ավարտելուց հետո նա ընդունվել է Լոնդոնի Իլինգ գեղարվեստական քոլեջը, որտեղ գծանկարչություն է ուսումնասիրել: Շուտով Մերկյուրիի կենսագրությունում կարևոր իրադարձություն տեղի ունեցավ. նա ծանոթացավ Smile խմբի առաջնորդին: Այնուհետև սկսել է այցելել խմբի փորձերին, ծանոթացել Բրայան Մեյին, Ռոջեր Թեյլորին: Գեղարվեստական քոլեջն ավարտելով՝ Մերկյուրին Թեյլորի հետ միասին փոքր խանութ է բացել: Այս մասին տեղեկացնում է all-biography.ru-ն:
1969-ի օգոստոսին Մերկյուրին ծանոթացել է Ibe խմբի երաժիշտների հետ և շուտով սկսել նրանց հետ ելույթ ունենալ: Սակայն խումբը երկար չի գոյատևել, և Մերկյուրին ներգրավվել է նոր՝ Sour Milk Sea կոլեկտիվում: Երաժիշտների այս միությունը ևս երկար չի տևել:
1970 թվականին Մերկյուրին վերադարձել է Smile: Շուտով խումբը վերանվանվել է Queen: Ֆրեդին ստեղծել է խմբի տարբերանշանը: Երկու տարի անց վոկալիստը որոշել է որդեգրել Մերկյուրի կեղծանունը (մինչ այդ կրում էր իր իրական ազգանունը՝ Ֆարրուհ Բուլսարա): 1972 թվականին թողարկվել է խմբի առաջին ալբոմը: Մերկյուրին դարձել է Queen-ի առաջին մի քանի հիթերի հեղինակ՝ Bohemian Rhapsody, Killer Queen: Շուտով խումբը մեծ ճանաչում է ձեռք բերում, շրջագայություններ կատարում աշխարհի տարբեր երկրներ:
1991 թվականի նոյեմբերի 23-ին Մերկյուրին պաշտոնապես հաստատել է, որ հիվադ է ՁԻԱՀ-ով, իսկ մինչ այդ նման շշուկները նա հերքել էր: Հաջորդ օրը նա մահացել է թոքաբորբից:
