ԱՄՆ Ջորջ Վաշինգտոնի համալսարանի միջազգային հարաբերությունների Էլիոթ դպրոցում Վաշինգտոնի Ադրբեջանական ուսումնասիրությունների կենտրոնը փետրվարի 16-ին կազմակերպել էր ոմն գերմանացի իրավաբան Հեյքո Կրուգերի «Լեռնային Ղարաբաղի հիմնահարցը. իրավական վերլուծություն» խորագրով գրքի շնորհանդեսը: Գրքի շնորհանդեսին հետևել է գրիքի քննարկումը, որին մասնակցել են նաև ԱՄՆ-ում ՀՀ դեսպանության և ԼՂՀ գրասենյակի ներկայացուցիչները:
Միջոցառման սկզբում Հ.Կրուգերը ներկայացրել է Լեռնային Ղարաբաղի հիմնահարցի իր մեկնաբանությունը, որը ոչնչով չի տարբերվել Ադրբեջանի պաշտոնական տեսակետից:
Հանդիպմանը ելույթ են ունեցել նաև Հայաստանի և Արցախի ներկայացուցիչները, որոնք մանրամասն հերքումներ և ապացույցներ են ներկայացրել` հաստատելով, որ Հ.Կրուգերի վերոնշյալ գիրքը ադրբեջանական քարոզչության հերթական դրսևորումն է ու հետևաբար իրենից փորձագիտական արժեք չի կարող ներկայացնել:
