Թուրքիայի արտգործնախարար Ահմեդ Դավութօղլուն հայտարարել է, որ իշխանությունները քայլեր են ձեռնարկում երկրի քաղաքացիներին հայրենիք վերադարձնելու համար, հաղորդում է worldbulletin-ը: Լիբիայում զգալի թվով թուրքեր կան, և դեսպանությունն ու հյուպատոսությունները կապի մեջ են նրանց հետ:
«Մենք քայլեր ենք ձեռնարկում նրանց անվտանգությունն ապահովելու և անհրաժեշտության դեպքում հայրենիք վերադարձնելու համար»,- ասել է Դավութօղլուն:
Նրա խոսքով, Անկարան կարևորում է Լիբիայի անվտանգությունն ու խաղաղությունը, սակայն մերձավորարևելյան երկրների ժողովուրդների պահանջները պետք է հաշվի առնվեն, իսկ անցումային գործընթացները խաղաղ տեղի ունենան:
«Շատերի կողմից թուրքական մոդելն ընկալվում է որպես հաջողության մոդել, և եթե այն կարող է օրինակ ծառայել քույր երկրներին, ապա Թուրքիան միայն ուրախ կլինի աջակցել»,- ասել է Դավութօղլուն: