Հունգարիան վստահեցրել է Թուրքիային, որ կաջակցի այդ երկրին Եվրամիության անդամակցության հարցում: Հունգարիան հաջորդ տարի ստանձնում է ԵՄ նախագահությունը:
Այս մասին Հունգարիայում խոսվել է Թուրքիայի կողմից ԵՄ հետ բանակցություններում ներկայացուցիչ Եգեմեն Բաղըշի` Բուդապեշտ կատարած այցի ընթացքում: Բաղըշի այցելությունը շատ կարեւոր է այն առումով, որ Հունգարիան հունվարի մեկից ստանձնում է ԵՄ նախագահությունը, իսկ այդ կազմակերպությունը վերջերս հրաժարվում է բանակցել Թուրքիայի հետ որոշ առանցքային խնդիրների վերաբերյալ: Այս մասին հաղորդում է AHN news-ը: Թուրքիայի անդամակցության բանակցություններն սկսվել են 2005թ.-ից, եւ մինչեւ հիմա համաձայնություն կա ընդունված պայմանագրի 30 կետերից միայն 13-ի վերաբերյալ: Իսկ բանակցություններին խոչընդոտում է Թուրքիայի մերժողական քաղաքականությունը Կիպրոսի նկատմամբ, որը նույնպես ԵՄ անդամ է:
