Walt Disney ընկերությունը հայտնել է, որ «Վրիժառուները» ֆիլմից և դրա նման այլ ֆիլմերի հաջողության շնորհիվ իր պատմության մեջ խոշորագույն շահույթն է ստացելʽ մեկ քառորդի կտրվածքով:
Ինչպես հաղորդում BBC-ն, երեք ամսվա ընթացքում (ապրիլից հունիս) Disney-ի մաքուր եկամուտը նախորդ տարվա նույն ժամանակահատվածի համեմատությամբ աճել է 24%-ով՝ կազմելով 1.83 մլրդ դոլար:
«Մեզ համար երրորդ քառոդը (ֆինանսական տարին սկսվում է հոկտեմբերից-1in.am) ֆեմոմենալ էր, որը մեզ բերել է մեր ընկերության պատմության մեջ խոշորագույն եկամուտըʽ քառորդի կտրվածքով»,- ասել է Disney-ի ղեկավար Ռոբերտ Այգերը:
Ընդ որում, ընկերության կինոստուդիայի օպերացիոն եկամուտը ավելացել է ավելի քան 6 անգամ՝ հասնելով 313 մլն դոլարի:
Մայիսին Disney-ի «Վրիժառուներ» ֆիլմը բացման առաջին հանգստյան օրերի ընթացքում ռեկորդ սահմանեց միջոցների հավաքմամբ ՝ հավաքելով 200 մլն դիոլար: