Եգիպտոսի նախկին նախագահ Հոսնի Մուբարաքի որդիները՝ Ալան և Գամալը, հարցաքննության են կանչվել իրենց դեմ ներկայացված նոր մեղադրանքների գործով: Այս անգամ նրանք կասկածվում են անշարժ գույքի ոլորտում անօրինական գործարքների մեջ: Այս մասին հաղորդում է MENA լրատվական գործակալությունը:
Ըստ այդ տեղեկության՝ խոսքը 1993թ. գործարքի մասին է, երբ եղբայրները հողատարածք են ձեռք բերել իրենց հոր ընկերոջը՝ նախկին վարչապետ Ահմադ Շաֆիկին պատկանող միավորումից: Հետաքննող մարմինները տեղեկություն ունեն, որ Ալան և Գամալը այն գնել են նրա շուկայական արժեքից զգալի ցածր:
Մուբարաքի որդիները ձերբակալվել են 2011թ-. ապրիլին կոռիուպցիայի մեղադրանքով:Ավելի ուշ նրանք արդարացվել են, սակայն արդարացվելուց երկու օր առաջ նրանց դեմ նոր մեղադրանք էր ներկայացվել: Այժմ նրանք գտնվում են բանտում:
