Բուլղարիայի ոստիկանությունը օգոստոսի 1-ին հրապարարկել է հուլիսի 18-ին Բուրգասի օդանավակայանում ահաբեկչություն իրականացրած մահապարտի ֆոտոռոբոտը:
Ինչպես հաղորդում է Associated Press-ը, պատկերը ստացվել է դեպքի վայրում հանցագործի գանգի հավաքված մասերի համակարգչային վերլուծության արդյունքում: Նկարով առայժմ հնարավոր չէ որոշել մահապարտի ազգությունը, սակայն նրա տեսքը նման է եվրոպացու:
Բուլղարիայի ոստիկանությունն ավելի վաղ հայտարարել էր, որ բոլոր հիմքերը կան կարծելու, որ ահաբեկչությունն իրականացվել է հանցավոր խմբի կողմից: Քննիչների կարծիքով՝ ահաբեկիչը, որի անձը մինչ այժմ պարզված չէ, հնարավոր էʽ համախոհներ է ունեցել: Մասնավորապես հաղորդվում էր, որ նա Բուլղարիա է եկել մի կնոջ ուղեկցությամբ:
Հիշեցնենք, որ ահաբեկչության հետևանքով զոհվել էր Իսրայելցի 5 զբոսաշրջիկ, ավտոբուսի վարորդը և ինքը՝ ահաբեկիչը: Մի քանի տասնյակ մարդիկ վիրավորվել էին:
Իսրայելի իշխանությունները հայտարարել են, որ ահաբեկչության ետևում կանգնած են իրանական հատուկ ծառայությունները և «Հըզբոլլահ»-ի նրանց գործընկերները:
