Եթե Ճապոնիան 2020-ի Օլիմպիական խաղերն անցկացնելու իրավունք ստանա, կառավարությունն ամեն ինչ կանի, որպեսզի խթանի տնտեսության հետագա համալիր վերականգնման ծրագիրը: Այս մասին հայտարարել են Ճապոնիայի Ազգային օլիմպիական կոմիտեի ներկայացուցիչները, փոխանցում է Associated Press-ը:
«Ծագող արևի երկրի» հայտը ներկայացրել է նախկին վարչապետ Յոշիրո Մորին:
Նա նշել է, որ Օլիմպիադան երկրին հնարավորություն կտա վերացնելու 2011- մարտի 11-ին տեղի ունեցած «Արևելյան մեծ երկրաշարժի», ինչպես այն անվանում են Ճապոնիայում, հետևանքները:
«Մենք պետք է ուշքի գանք այդ աննախադեպ աղետից հետո»,- հայտարարել է կառավարության ղեկավարը:
Հիշեցնենք` երկրաշարժին և դրան հաջորդած ցունամիին զոհ էր գնացել 19 հազար մարդ, ավերվել էին մի քանի տասնյակ բնակավայրեր, ինչպես նաև լրջորեն վնասվել էին «Ֆուկուսիմա»- ատոմակայանի ռեակտորները:
Օլիմպիադա-2020-ի անցկացման իրավունքի համար քվեարկությունը տեղի կունենա 2013-ի սեպտեմբերին, Տոկիոյի հետ կպայքարեն Ստամբուլը և Մադրիդը:
