Ալմաթիում Սիրայի դեսպանության շենքում հրդեհ է բռնկվել: Այս մասին հայտնում է КТК հեռուստաալիքը:
Դիվանագետները, ալիքի տեղեկություններով, կարծում են, որ հյուպատոսությունը հրդեհել են անհայտ անձինք (ենթադրվում է՝ նրանք դյուրավառ հեղուկով շշեր են գցել շենքի վրա):
Ուժեղ կրակից տուժել են շինության երկրորդ ու երրրորդ հարկերը: Ինչպես նկատում է հեռուստաալիքը, երրորդ հարկը, որտեղ գտնվում է պատվո հյուպատոսի սենյակը, «այրվել է՝ իր բոլոր փաստաթղթերով հանդերձ»:
Ներկայումս ոստիկանությունը ճշտում է հրդեհի առաջացման իրական պատճառը:
Սիրիայի պատվո հյուպատոս Սամիր Դերեխը, մեկնաբանելով տեղի ունեցածը, կարծիք է հայտնել, որ հրդեհը կարող է ինչ-որ կերպ կապված լինել իր հայրենիքում տեղի ունեցող դեպքերի հետ:
Դիվանագետը նշել է նաև, որ ներկայումս վախենում է նաև իր կյանքի համար:
